“வட்டக்கானல்” திரைப்பட விமர்சனம்

கொடைக்கானல் மலையின் எழில் மிகு வட்டக்கானல் பகுதியை மையமாகக் கொண்ட இந்தக் கதையில், இயற்கையின் அழகை விட அதற்குள் மறைந்திருக்கும் இருண்ட உலகமே முக்கியம். அந்தப் பகுதியில் விளையும் போதைக் காளானை விற்று, தனது போதை சாம்ராஜ்யத்தை ஆண்டுகள் முழுவதும் நடத்தி வருகிறார் ஆர்.கே. சுரேஷ். அவரது வன்முறைச் செயல்களுக்கு துணையாக துருவன் மனோ, கபாலி விஸ்வந்த், விஜய் டிவி சரத் ஆகியோர் இருக்கிறார்கள். ஆனால் அவரை அழிக்க வித்யா பிரதீப் தொடர்ந்து முயன்றும் தோல்வியடைகிறார். இதன் பின்னணியும் முடிவும் தான் கதையின் மையம்.

ஆர்.கே. சுரேஷ் இந்தப் படத்தில் வில்லனாகவும் கதாநாயகனாகவும் திகழ்கிறார். முன்னாள் போதை மன்னன் ஆடுகளம் நரேனைக் கொன்று, அவரது சாம்ராஜ்யத்தை கைப்பற்றியவர். இதன் மூலம், பெரும் சொத்துக்களின் உரிமையாளரான மீனாட்சி கோவிந்தராஜனின் குடும்பத்தையும் குறிவைத்து முழுமையான வில்லனாக மாறுகிறார். சுரேஷின் தோற்றம், நடிப்பு இரண்டும் அந்தப் பாத்திரத்துக்கு சரியான பொருத்தம்.

துருவன் மனோ இளமையுடன், மீனாட்சி கோவிந்தராஜனுடன் காதல் கதையில் ஹீரோ அந்தஸ்தை பெறுகிறார். உடல் எடையை குறைத்து நடிப்பில் மேலும் நுணுக்கம் சேர்த்தால் அவர் இன்னும் உயரலாம். மீனாட்சி கோவிந்தராஜனின் அழகும், நல்மனமும் படத்தின் முக்கிய பலம். வித்யா பிரதீப் பலமுறை முயன்றும் சுரேஷை கொல்ல முடியாதது, அதேபோல் அவர் இருபது வருடம் ஒரு சொத்துக்காக காத்திருப்பது போன்றவை கதையில் லாஜிக் குறைபாடாக தெரிகின்றன.

ஒளிப்பதிவாளர் எம்.ஏ. ஆனந்த் வட்டக்கானலின் அழகை சிறப்பாகப் பிடித்திருந்தாலும், இன்னும் சிறப்பாக காட்சிப்படுத்தியிருக்கலாம். இசையமைப்பாளர் மாரிஸ் விஜயின் இசையில் ஏ.ஆர். ரகுமானின் தாக்கம் தெளிவாகக் கேட்கிறது.

இயக்குநர் பித்தாக் புகழேந்தி, போதைப் பொருள் வியாபாரத்தின் சமூக விளைவுகளை ஆழமாக சொல்லாமல், அதன் எழுச்சி–அழிவை மட்டுமே முன்வைத்துள்ளார். காட்சிப்படத் திறமையும், வட்டக்கானல் எனும் இடத்தின் தனிச்சிறப்பும் இணைந்து, “வட்டக்கானல் – கானல் நீர்!” என்ற உணர்வை உருவாக்குகிறது.

கதாநாயகன் – துருவன் மனோ (பிரபல பின்னணி பாடகர் மனோ அவர்களின் மகன்) கதாநாயகியாக – மீனாட்சி கோவிந்தராஜ் R K சுரேஷ், பாடகர் மனோ
ஆடுகளம் நரேன், வித்யா பிரதீப், வண்ண வண்ண பூக்கள் வினோதினி R K வரதராஜ்,ஆகியோர்.

Production : MPR FILMS A. மதியழகன், வீரம்மாள் SKYLINE CINEMAS R.M. ராஜேஷ்

இயக்கம் – பித்தாக் புகழேந்தி

Rating…3.2/5

மக்கள் தொடர்பு- சாவித்ரி,

vrcs