“பாராசூட்” இணையத் தொடர் விமர்சனம்
கியாஸ் சிலிண்டர் டெலிவரி செய்யும் கிஷோர், தனது மனைவி மற்றும் இரண்டு குழந்தைகளுடன் அமைதியான வாழ்க்கை நடத்துகிறார். தன் குறைந்த வருமானத்திலும் குழந்தைகளை உயர்ந்த பள்ளியில் படிக்க வைப்பதில் அதிகமாக கவனம் செலுத்தும் கிஷோர், மகனிடம் மிகக் கண்டிப்பான நபராகத் திகழ்கிறார். தந்தையின் கட்டுப்பாட்டால் பயம் இருந்தாலும், அவர் இல்லாத நேரத்தில் மகன் தன்னுடைய தங்கையை மகிழ்விக்க அவரது இருசக்கர வாகனத்தை பயன்படுத்துகிறார்.
பிள்ளைகள் வீடு திரும்பாததால் உறைந்துபோன குடும்பம், காவல்துறையை அணுகுகிறது. ஆனால், காணாமல் போன பிள்ளைகள் மீண்டும் குடும்பத்திடம் சேர்ந்தார்களா? என்பதே ‘பாராசூட்’ தொடரின் மையக் கரு.
இந்த தொடரின் முக்கியமான பலம், கதையின் மையமாக செயல்படும் சகோதரர்கள் சக்தி மற்றும் இயல் ஆகியோரின் இயல்பான நடிப்பு. குழந்தைகளின் நுண்ணிய உணர்வுகள், தந்தை மீதான அவர்களின் பயம், மற்றும் பெற்றோர்களின் நிலைகள் போன்றவை பார்க்கும் அனைவரையும் பாதிக்கின்றன.
கதை நுட்பமாகவும் வேகமாகவும் நகர்கிறது. ஸ்ரீதரின் வசனங்கள் நேர்த்தியாக பெற்றோர்களுக்கு முக்கியமான செய்திகளை உணர்த்துகின்றன. காவல்துறையின் செயல்பாடுகளையும், குழந்தைகளின் தேடல் பயணத்தின் அழகையும், ராசு ரஞ்சித்தின் இயக்கம் மெருகேற்றி நெகிழ்ச்சியை ஏற்படுத்துகிறது.
யுவன் சங்கர் ராஜாவின் இசை மற்றும் ஒளிப்பதிவு தொடரின் உணர்வுகளை அதிகரிக்கச் செய்கின்றன. குழந்தைகளின் உலகத்தை உள்வாங்கும் முயற்சியில் ‘பாராசூட்’ பார்வையாளர்களின் இதயங்களை வென்றுவிடுகிறது.
இது நேர்த்தியான குடும்பக் கதையாகத் திகழ்கிறது. ‘பாராசூட்’ உயர பறக்கத் தயார்!
Cast : Kishore, Krishna, Kani, Kaali Venkat, Iyal, Shakthi, Bava Chelladurai, Sharanya Ramachandran and others.
Director: Rasu Ranjith
Rating; 3.6/5